Light the World Banner

Iċċelebra t-Twelid ta’ Ġesù Kristu Magħna Dan il-Milied

Fil-Milied niċċelebraw it-twelid ta’ Ġesù Kristu u dak kollu li hu jfisser għalina bħala Salvatur tagħna. Huwa l-għajn tagħna ta’ ferħ veru hawn fuq l-art u l-Feddej li jagħmilha possibbli għalina li ngħixu ma’ Alla u mal-maħbubin tagħna għall-eternità. Ingħaqad magħna fil-ħolqien ta’ staġun tal-Milied li jagħmel aktar sens hekk kif nonoraw it-twelid ta’ Ġesù Kristu billi nimxu fuq l-eżempju tiegħu ta’ mħabba u qalb tajba flimkien.

Ideat Biex Tiċċelebra il-Milied

Ispira Ruħek fid-Devozzjonali tal-Milied
Segwi onlajn fis-6:00 p.m. MST fis-7 ta’ Diċembru, 2025, għal messaġġi ta’ ispirazzjoni mill-mexxejja tal-Knisja dwar it-twelid ta’ Ġesù Kristu. Reġistrazzjonijiet bil-vidjo u bl-awdjo tad-devozzjonali se jiġu arkivjati biex wieħed ikun jista’ jarahom on-demand fuq il-Librerija tal-Evanġelju (b’60 lingwa).
Daħħal l-Ispirtu tal-Festi bil-Mużika tal-Milied
Gawdi din il-playlist ferrieħa ta’ għanjiet tal-Milied li jiċċelebraw it-twelid ta’ Ġesù Kristu minn diversi artisti, inkluż The Tabernacle Choir at Temple Square.
Sir Af l-Istorja tal-Milied Aħjar
Tgħallem permezz tal-iskrittura, diskorsi mill-mexxejja tal-Knisja, mistoqsijiet biex timmedita, u attivitajiet għat-tfal f’din il-lezzjoni speċjali tal-Milied mill-manwal Ejja, Imxi Warajja għall-istudju fil-knisja u fid-dar.
Agħti l-Ħajja lill-Istorja tan-Natività
Oħloq mument ta’ tagħlim divertenti għall-familja kollha billi tuża dan l-iskript biex tirreċta l-istorja tan-Natività flimkien, jew użah biex torganizza pageant tal-Milied għall-komunità.
Servi lil ħaddieħor f’dan il-Milied
Segwi l-eżempju tas-Salvatur u sib modi kif iddawwal id-dinja bl-imħabba u s-servizz matul l-istaġun tal-Milied.
Attivitajiet għat-Tfal
Għin lit-tfal tiegħek jagħrfu u jsibu l-ferħ fl-istorja tal-Milied b'dawn il-paġni tal-kulur sbieħ.
Ġedded it-Tama bil-Memorji tal-Passat
Aċċessa vidjows ta’ kunċerti tal-Milied tal-passat, devozzjonijiet, stejjer ta’ ispirazzjoni, u mużika ta’ ispirazzjoni.
Kards biex jitqassmu
Gawdi dawn il-Kards biex jitqassmu stampabbli, perfetti biex taqsamhom mal-ħbieb u l-familja biex tistedinhom għal avveniment lokali tal-Milied.

Xi Jfisser il-Milied Għalina

Aktar minn sempliċi tradizzjoni jew festa, il-Milied huwa mewġa ta’ ferħ li tiġi miċ-ċelebrazzjoni tat-twelid ta’ Ġesù Kristu. Huwa żmien sagru għall-membri tal-Knisja ta’ Ġesù Kristu tal-Qaddisin tal-Aħħar Żmien biex jiftakru li Missierna fis-Smewwiet iħobb lil uliedu tant li bagħat lil Ibnu biex jurina t-triq għall-hena dejjiema.

Mument li Ilu Mħabbar
Aħna nemmnu li Ġesù Kristu ntgħażel minn Alla qabel ma bdiet id-dinja biex ikun is-Salvatur li kellu jegħleb id-dnub u l-mewt għalina lkoll. Il-profeti ta’ Alla—inklużi Isaija u Mikea fit-Testment il-Qadim u Alma u Samwel fil-Ktieb ta’ Mormon—għenu lin-nies iħarsu ’l quddiem bil-ferħ lejn il-miġja tas-Salvatur, inkluża ż-żjara tiegħu fl-Ameriki wara l-Qawmien tiegħu mill-Imwiet.
Bidu Umli
Fi stalla umli, Marija “wildet l-ewwel iben tagħha, fisqietu u medditu f’maxtura, għax ma kienx hemm post għalihom fil-lukanda.” (Luqa 2:7). Ftit nies kienu jafu li dan kien l-Iben letterali ta’ Alla, li kien se jagħti eżempju perfett ta’ mħabba u umiltà matul ħajtu mortali. Illum niċċelebraw it-twelid tiegħu billi nimitaw dak l-eżempju.
Messaġġ Universali ta’ Tama
Fil-lejl li twieled Ġesù Kristu, l-anġli ħabbru t-twelid tiegħu lil rgħajja umli, li ġew iżuru lit-tarbija. “Irġiel għorrief” aktar sinjuri ġabu rigali prezzjużi wara vjaġġ twil. Aktar tard, nisa bħal Marija Maddalena u l-mara Samaritana ħdejn il-bir xehdu dwar l-Qawmin tiegħu u r-rwol tiegħu bħala s-Salvatur tagħna. Mill-bidu, il-mixja wara Ġesù Kristu kienet għal kulħadd, irrispettivament mill-klassi soċjali, l-età, is-sess, jew ir-razza tagħhom.
Salvatur Ħaj
Wara t-twelid tiegħu, Ġesù Kristu għex ħajja bla dnub. Huwa għallimna kif nimxu mal-pjan t’Alla, wettaq mirakli, u fejjaq u farraġ lil ħaddieħor. Meta wasal iż-żmien għalih biex itemm il-ministeru tiegħu fuq din l-art, is-Salvatur bata u miet għal dnubietna u qam mill-imwiet sabiex inkunu nistgħu ngħixu ma’ Alla u l-familji tagħna mill-ġdid. Huwa jgħix u jħobbna u xi darba jerġa’ lura hawn fid-dinja.

Kompli Studja l-Istorja tal-Milied

Ara l-Gwida għall-Istudju tal-Milied