Il-missjunarji huma volontiera li warrbu l-ħajja normali tagħhom għal sentejn biex jgħinu lill-oħrajn jersqu eqreb ta’ Ġesù Kristu. Qabel telqu għal missjoni, huma kienu studenti, ħaddiema, atleti, iħobbu jaqraw, mużiċisti, u, insomma, qed tieħu idea. Wara s-servizz tagħhom, huma jirritornaw id-dar biex jispiċċaw l-università, ix-xogħol, jinnamraw u jiżżewġu, u jgħixu ħajja pjuttost normali.

Huma jiġu minn madwar id-dinja kollha. Mhux rari għall-missjunarji li jservu f’pajjiż u jitkellmu b’lingwa differenti minn tagħhom. Il-missjunarji jservu bħala adulti żgħażagħ jew meta jirtiraw bħala single jew koppji. Hi x’inhi l-età tagħhom, il-motivazzjoni tagħhom hija sinċiera—huma jitilqu d-djar u l-familja tagħhom għal perjodu biex jagħmlu dak li Ġesù Kristu talab lid-dixxipli tiegħu: “Morru fid-dinja kollha, xandru l-Evanġelju lill-ħolqien kollu” (Mark 16:15).

Le. L-Evanġelju ta’ Ġesù Kristu huwa għal kulħadd. Hu jistieden lil kulħadd biex imur għandu, “mingħajr flus u mingħajr prezz” (Isaija 55:1). Il-missjunarji fil-fatt iħallsu biex jiltaqgħu miegħek, billi jkopru l-ispejjeż tagħhom stess biex jiġu għal missjoni. Il-mexxejja tal-Knisja lokali u għalliema tal-klassi ma jitħallsux lanqas.

Il-ħinijiet tas-servizz tal-Knisja jvarjaw minn kongregazzjoni għall-oħra. Madanakollu, dejjem tista’ tafda fuq servizz wieħed ewlieni ta’ qima għal kulħadd, segwit minn klassijiet għat-tfal, żgħażagħ, u adulti.

Is-servizz għal kulħadd jissejjaħ “il-laqgħa tas-sagrament.” Din il-laqgħa tikkonsisti f’għanjiet, talb, u priedki (jew “diskorsi”) li jingħataw kull ġimgħa minn membri differenti tal-kongregazzjoni. Imma l-aktar parti importanti tal-laqgħa huwa meta nieħdu s-sagrament (li huwa simili għall-Komunjoni) biex niftakru fis-Salvatur.