Il-Ktieb ta’ Mormon huwa ktieb ta’ skrittura ispirata li jeżisti biex jagħtina direzzjoni fil-ħajja tagħna u jgħaqqadna ma’ Ġesù. Minn fejn ġej l-isem? Mijiet ta’ snin ilu fl-Amerki tal-qedem, profeta msejjaħ Mormon ikkompila reġistru tal-poplu tiegħu. Huma ffaċċjaw ħafna mill-isfidi li niffaċċjaw aħna. U, bħalna, sabu s-saħħa meta daru lejn Ġesù Kristu.

Il-Ktieb ta’ Mormon għandu jinqara mal-Bibbja bħala testment ieħor ta’ Ġesù Kristu u l-missjoni divina tiegħu bħala s-Salvatur u l-Feddej ta’ din id-dinja. Flimkien, il-Bibbja u l-Ktieb ta’ Mormon jipprovdu għarfien aħjar tal-imħabba kbira ta’ Alla għalina lkoll u jistgħu jgħinuna nersqu eqreb lejh.

L-istess bħall-Bibbia, il-Ktieb ta’ Mormon jagħti xhieda ta’ Ġesù Kristu. L-avveniment ċentrali mfakkar fil-Ktieb ta’ Mormon hu ż-żjara ta’ Ġesù Kristu—inkluż it-tagħlim u l-ministeru tiegħu—għal dawk li emmnu fl-Amerki tal-qedem. Dan ir-rakkont jurina li Alla estenda l-istess barkiet u opportunitajiet għall-ulied kollha tiegħu u li l-imħabba tiegħu mhix limitata biss għal nies ta’ reġjun wieħed fid-dinja. Indipendentament tal-lingwa li nitkellmu jew ta’ kif nidhru, Alla jħobbna u jridna nersqu eqreb lejh.

Hawn insibu taqsira tal-istorja epika ta’ elf sena rrakkontata fil-Ktieb ta’ Mormon.

Essenzjalment, il-Ktieb ta’ Mormon huwa storja dwar familja. Il-missier ta’ dik il-familja, Leħi, huwa profeta f’Ġerusalemm tal-qedem. Alla jwissi lil Leħi f’ħolma biex jieħu lill-familja tiegħu u jitlaq minn Ġerusalemm, għaliex il-belt u n-nies tagħha kienu dalwaqt se jittieħdu fil-jasar minn nazzjon ieħor. Huma jaqsmu l-oċean għall-Amerki. Laman u Lemwel, is-subien il-kbar, ma jemmnux li missierhom, Leħi, kien ispirat. Huma dejjem igergru. Ħuhom iż-żgħir Nefi huma mimli bil-fidi. Nefi huma magħżul minn Alla biex imexxi lill-familja u biex ikun l-għalliem tagħhom.

In-nies eventwalment jinqasmu f’żewġ gruppi, in-Nefiti, u l-Lamaniti. Dawn il-gruppi spiss huma fi gwerra kontra xulxin, u l-fidi tagħhom tiġi ttestjata kontinwament. Din il-fidi timla l-paġni tal-Ktieb ta’ Mormon fil-forma ta’ diskorsi qawwija, profeziji, lezzjonijiet tal-ħajja, u esperjenzi spiritwali.

Wara li Ġesù qam mill-mewt f’Ġerusalemm, hu jidher lin-nies tal-Amerki. Hu jgħallimhom dwar il-magħmudija, l-indiema, u l-maħfra. Hu jfejjaq lill-morda tagħhom u jbierek lil uliedhom. Kristu jwaqqaf il-Knisja tiegħu. Għal kuntrarju ta’ dawk f’Ġerusalemm, in-nies jisimgħu lil Ġesù. Wara, jgħixu fil-paċi għall-mijiet ta’ snin. Biż-żmien, in-nies jitilfu l-fidi u profeta msejjaħ Moroni jidfen ir-reġistri tagħhom biex jippreservahom għal żmien u nies tal-futur—għalina! Joseph Smith ingħata direzzjoni fejn isib dawn ir-reġistri u ttraduċa l-Ktieb ta’ Mormon permezz tal-qawwa ta’ Alla. It-tagħlim tal-Ktieb ta’ Mormon iżid l-fidi tagħna f’Ġesù Kristu u jispira miljuni ta’ nies illum il-ġurnata.

Il-ħinijiet tas-servizz tal-knisja ivarjaw minn kongregazzjoni għall-oħra. Madanakollu, tista’ dejjem tafda fuq servizz wieħed ta’ qima għal kulħadd, segwit minn klassijiet għat-tfal, żgħażagħ, u adulti.

Is-servizz għal kulħadd huwa msejjaħ “laqgħa tas-sagrament.” Din il-laqgħa tikkonsisti f’innijiet, talb, u priedki (jew “diskorsi”) li jingħataw kull ġimgħa minn membri differenti tal-kongregazzjoni. Imma l-aktar parti importanti tal-laqgħa hija meta nieħdu s-sagrament (li hija simili għall-Komunjoni) biex niftakru fis-Salvatur.