Storja tal-Familja
Sew jekk tintefa’ bi ħġarek biex titgħallem dwar il-ħajja tal-antenati tiegħek, sew jekk biex iżżid l-istejjer u l-esperjenzi tiegħek stess għall-ġenerazzjonijiet futuri, l-istorja tal-familja hija strumentali biex ningħaqdu mal-familja tagħna u ma’ Missierna fis-Smewwiet.
L-istejjer tal-antenati tagħna huma l-istejjer tagħna
L-istorja tal-familja tagħna tgħinna nifhmu kif wasalna fejn wasalna, minn fejn ksibna l-karatteristiċi l-aktar importanti tagħna, u għalfejn nidhru kif nidhru. Meta niskopru iktar dwar il-bużnanniet tagħna, niskopru iktar dwarna nfusna. Mhux talli hekk, talli wkoll nistgħu nifhmu s-sagrifiċċji tal-antenati tagħna, nitgħallmu mill-eżempji tagħhom, u nħossuna qrib ta’ nies li qatt ma konna nafu.
Minn fejn tibda
Kollox jibda billi tirriċerka u ssib l-antenati. Aħna nfittxu artikli tal-gazzetti, dokumenti tal-artijiet, ċertifikati tat-twelid u tal-mewt, u kull ħaġa li jista’ jkollha ħjiel dwar il-ħajja ta’ dawk li ġew qabilna. Voluntiera f’ċentri tal-istorja tal-familja madwar id-dinja jistgħu jgħinuk issib dak li qed tfittex u jimlew il-vojt.
Esplora l-Attivitajiet tal-Istorja tal-Familja
Hemm ħafna riżorsi u attivitajiet li jistgħu jgħinu lilek u lill-familja tiegħek biex tibdew. Ara l-attivitajiet hawn taħt u ibda mil-lum.
Tgħallem fejn int u l-antenati tiegħek għextu, u esplora l-kulturi u t-tradizzjonijiet ta’ dawk il-postijiet.
Skopri l-konnessjoni tiegħek ma’ nies famużi
Ara kemm taf dwar is-sena li fiha inti twelidt.
Ara liema antenti tiegħek int tixbah l-iktar.
Kulħadd għandu stejjer. Tiegħek x’inhuma?
Dawn l-attivitajiet fid-dar jgħinuk tiskopri, tiġbor, u tgħaqqad il-familja tiegħek—dik passata u dik preżenti.
Il-familji jgħaqqduna lil hinn minn din il-ħajja
Aħna wkoll insawru u nsostnu l-konnessjonijiet tal-familja fit-tempji tagħna. Hemm il-post fejn niżżewġu għall-eternità kollha sabiex ir-relazzjonijiet tal-familja tagħna jistgħu jkomplu lil hinn minn “sakemm tifridna l-mewt.” L-istorja tal-familja tagħtina l-opportunità li noffru dawk l-istess barkiet lill-antenati tagħna li forsi qatt ma kellhom iċ-ċans meta kienu ħajjin. B’dan il-mod, dawn iċ-ċerimonji sagri jgħinuna biex norbtu ġenerazzjoniet flimkien f’katina li ma tinkisirx—l-imgħoddi, il-preżent, u l-futur. Grazzi għal Ġesù Kristu, nistgħu lkoll ngħixu ma’ Alla mill-ġdid, u grazzi għall-istorja tal-familja, nistgħu nagħmlu dan flimkien mal-familji tagħna.
