It-Tagħlim ta’ Ġesù Kristu
Tul il-ministeru tiegħu fid-dinja, Ġesù Kristu għallem lid-dixxipli tiegħu u lin-nies, u hekk ta skop f’ħajjithom u f’ħajjitna llum.
It-tagħlim ta’ Ġesù: pjan divin
Fost it-tagħlim ta’ Ġesù Kristu aħna nsibu l-pjan għall-ferħ tagħna, għall-fidwa tagħna, u għas-salvazzjoni tagħna–pjan divin li jinkludi fih il-fidi fi Kristu, l-indiema, il-magħmudija, iż-żamma tal-kmandamenti ta’ Alla, l-għotja tal-Ispirtu s-Santu, u r-reżistenza sal-aħħar. Dawn huma l-prinċipji tas-salvazzjoni mgħallmin minn Ġesù Kristu, il-bażi li fuqha mibni l-Evanġelju tiegħu.
Il-Beatitudnijiet
Ftit wara l-magħmudija tiegħu minn Ġwanni l-Battista, Ġesù għallem l-evanġelju tiegħu u, waqt diskors mill-aktar qawwi magħruf bħala d-Diskors fuq il-Muntanja, iddeskriva kif wieħed seta’ jkun dixxiplu tajjeb. F’dan id-diskors mill-aktar qawwi, Hu għallem lill-bnedmin kif għandhom jgħixu bħala dixxipli tiegħu.
Waqt dan id-diskors mill-aktar għażiż, Ġesù introduċa standard ġdid ta’ tjieba li kompla jżid fuq l-Għaxar Kmandamenti. “La toqtolx” ma kienx aktar biżżejjed; Kristu kien jeħtieġ mid-dixxipli tiegħu li huma jwarrbu l-mibegħda, jaħfru lil xulxin, u saħansitra jħobbu lill-għedewwa tagħhom. Hu talab lin-nies biex iwettqu bidla f’qalbhom kif ukoll f’għemilhom.
Fid-Diskors fuq il-Muntanja, Ġesù għallem ukoll tmien tagħlimiet importanti li jissejħu l-Beatitudnijiet. Il-kelma beatitudni tfisser “barka suprema” jew “kuntentizza eżaltata.” Il-Beatitudnijiet jenfasizzaw il-barkiet imwiegħda mill-aktar meraviljużi li niksbu meta niżviluppaw ċerti karatteristiċi divini.
Agħfas qalb summarju ta’ Beatitudnijiet li hawn taħt.
Il-Beatitudnijiet
Ġesù jgħallem li s-saltna tas-smewwiet hi għal dawk li jċekknu lilhom infushom.
Mattew 5:3
Dawk li huma umli, li jissaportu, li jistabru, u oħrajn, huma mwiegħda li “jiksbu d-dinja.”
Mattew 5:5
Ġesù qal, “Ħennu, bħalma hu ħanin Missierkom” (Luqa 6:36), jiġifieri dawk li juru l-ħniena jirċievu wkoll il-ħniena.
Mattew 5:7
Dawk li jagħmlu paċi bejniethom, Ġesù qal, “se jissejħu wlied Alla.”
Mattew 5:9
Ġesù jwiegħed li l-imnikkta li jduru lejh se jsibu l-faraġ li huma jkunu qed ifittxu
Mattew 5:4
Dawk li jfittxu l-ġustizzja huma mwiegħda li jithennew minħabba x-xewqa ġusta tagħhom.
Mattew 5:6
Dawk li jippruvaw iħallu dejjem it-tjubija tgħammar f’qalbhom u f’moħħhom, Ġesù jgħid, “huma jaraw ’l Alla.”
Mattew 5:8
Meta n-nies jiġu ppersegwitati għax jgħixu ħajja tajba, Ġesù jiddikjara li “tagħhom hija s-saltna tas-smewwiet.”
Mattew 5:10
Parabboli ta’ Ġesù
Minħabba l-kompassjoni u l-għarfien divin ta’ Kristu, Hu kien unikament kapaċi jifhem lil dawk li Hu għallem u jkellimhom b’daqstant konvinzjoni permezz ta’ kliem sempliċi kif ukoll permezz tal-parabboli. L-użu tal-parabboli kien metodu ta’ tagħlim effettiv li kien jinżel tajjeb mat-tradizzjoni ta’ żmienu, u dawn l-istejjer sempliċi u memorabbli jirrappreżentaw terz tat-tagħlim tiegħu kif jinsab fil-Bibbja.
Il-qawwa unika tal-parabboli hi li fihom insibu bosta tifsiriet differenti u jistgħu jinftiehmu fuq livelli differenti skont it-tħejjija spiritwali u s-sensittività tal-qarrej. Il-parabboli tiegħu jgħallmu lezzjonijiet importanti li għadhom applikabbli sal-lum.
Agħfas qalb summarju ta’ parabboli ta’ Ġesù hawn taħt.
Il-Parabboli ta’ Ġesù
Ġesù għallem li dawk kollha li jagħżlu li jersqu lejh u jingaġġaw irwieħhom fil-ħidma tiegħu jista’ jkollhom l-opportunità li jirċievu barkiet indaqs (ara Mattew 20:1–16).
Ġesù għallimna l-lezzjoni importanti dwar il-maħfra billi staqsa, “Ma kienx imissek int ukoll tħenn għal sieħbek kif ħennejt jien għalik?” (Mattew 18:33)
Ġesù qal li aħna għandna nħobbu lil għajrna, u l-parabbola tas-Samaritan it-tajjeb tgħallimna li kulħadd jista’ jkun għajrna, inkluż il-barrani jew l-avversarji (ara Luqa 10:25–37).
Kristu jilqa’ għandu b’imħabba lil kull persuna li ddur lejh, irrispettivament hija x’għamlet (ara Luqa 15:11-32).
Il-Mirakli ta’ Ġesù
Permezz tal-għemejjel tiegħu, u speċifikament tal-mirakli li wettaq, Ġesù għallem lezzjonijiet importanti dwar il-fidi, it-tjubija, u l-abbiltà ta’ Alla li jagħmel ħwejjeġ kbar mill-offerti l-aktar umli tagħna. Per eżempju, hekk kif miġemgħa ta’ 5,000 raġel u numru mhux speċifikat ta’ nisa u tfal inġabru madwaru ħdejn Betsajda, Ġesù Kristu tamagħhom ilkoll permezz ta’ żewġ ħutiet u ħames ħobżiet.
Hu kellu opportunitajiet simili biex jgħallem—xi kultant permezz tal-mirakli, u xi kultant permezz tal-għemejjel tiegħu—meta ltaqa’ mal-lebbrużi, mal-għonja, mal-mara ħdejn il-bir, u mal-Fariżej. Hu għallem waqt laqgħat reliġjużi u soċjali, Hu għallem fost il-morda waqt li fejjaqhom, Hu għallem fost is-setgħana waqt li ċanfarhom, u Hu għallem fost il-midinbin hekk kif ħafrilhom.
Ġesù jkompli jwettaq il-mirakli anke fi żmienna. Il-mirakli tiegħu jispiraw ċerti rakkonti li jistgħu jgħinuna nersqu aktar viċin tiegħu. U hekk kif insiru nafuh, aħna nistgħu nesperjenzaw l-effetti mirakolużi tat-tagħlim u tal-grazzja tiegħu f’ħajjitna.
Esplora l-mirakli ta’ Ġesù fis-slider li hawn taħt.
Il-Mirakli ta’ Ġesù
“Mbagħad messilhom għajnejhom u qal, Mela ħa jsirilkom skond il-fidi tagħkom. U għajnejhom infetħulhom. Ġesù widdibhom bis-sħiħ u qalilhom, Qisu li ħadd ma jsir jaf b’dan” (Mattew 9:27–31).
“Għollew leħinhom u qalulu, Ġesù, Mgħallem, ikollok ħniena minna. Kif rahom, qalilhom, Morru uru rwieħkom lill-qassisin. U ġara li, huma u sejrin, fiequ mill-marda tagħhom” (Luqa 17:12–19).
“Kif raha Ġesù sejjħilha u qalilha, Mara, inti meħlusa mill-mard tiegħek. U qegħdilha idejh fuqha, u minnufih waqfet dritta u bdiet tfaħħar lil Alla” (Luqa 13:11–17).
“Kienu qegħdin iġorru wieħed mejjet li ommu, mara armla, ma kellhiex ħliefu. … Kif raha l-Mulej tħassarha. Tibkix, qalilha. … U hu qal, Żagħżugħ, qiegħed ngħidlek, Qum. U l-mejjet qam bilqiegħda” (Luqa 7:12-15).
“Ġesù qal lill-qaddejja, Imlew il-ġarar bl-ilma. … Mbagħad qalilhom, Issa ħudu minnu u newwluh lil dak li qiegħed jieħu ħsieb il-mejda. U huma marru jagħtuhulu. Hu daq l-ilma mibdul fi nbid; u ma kienx jaf mnejn ġie” (Ġwanni 2:3–11).
“Fir-raba’ sahra tal-lejl mar lejn in-naħa tagħhom miexi fuq il-baħar” (Mattew 14:25).
“Hu ħa l-ħames ħobżiet u ż-żewġ ħutiet, rafa’ għajnejh lejn is-sema, bierek, qasam il-ħobżiet, u ta l-kisriet lid-dixxipli tiegħu biex inewwluhom lin-nies quddiemhom, u qasam ukoll iż-żewġ ħutiet bejniethom ilkoll. U kulħadd kiel u xaba’” (Mark 6:41–42).
Ġesù Kristu: għalliem permezz tal-eżempju
It-tagħlim ta’ Kristu ma nsibuhx biss fil-parabboli u fid-diskors tiegħu; insibuh ukoll fl-eżempju personali li Huwa tana tul ħajtu, eżempju ta’ ubbidjenza, umiltà, u mħabba. Il-veritajiet eterni li Hu għallem, kemm bil-fomm kif ukoll bl-għemil, jistgħu jinfluwenzaw ħajjitna llum bl-istess mod kif influwenzaw il-ħajja tal-ewwel nies li Hu għallem tul il-ministeru tiegħu fid-dinja. Nistednuk biex tingħaqad magħna hekk kif nagħmlu li nistgħu biex nitgħallmu t-tagħlim tiegħu u nimxu warajh.
