“Jien trabbejt ġo familja temmen f’Alla, iżda ma kontx ċert jekk jiena stess kontx nemmen f’Alla. Jien bdejt inħoss fija xewqa kbira li nitlob u nirċievi tweġiba li Alla kien reali u li kien jimpurtah minni.”

“Insib li nħossni ferm aħjar u ferm aktar kuntent bija nnifsi meta nimxi wara t-tagħlim ta’ Ġesù Kristu milli qatt kont inħossni meta ma kienx jimpurtani x’kien it-tagħlim tiegħu.”

“Il-Mulej uriena x’inhu l-istandard, Hu tana l-kmandamenti, u naf li meta nkun qed inħares dawk il-kmandamenti, jien nista’ nistenna lil Alla jmexxini Hu.”

“Meta jkolli xi mistoqsija jew meta nkun għaddej minn żmien diffiċli fil-ħajja, dejjem ikun hemm xi ħaġa li naqra fil-Ktieb ta’ Mormon li tgħinni nħossni aħjar.”

“F’mument partikolari f’ħajti jien kont għaddej verament minn żmien ħażin. Ħaġa li bil-kemm titwemmen, iżda kien eżattament f’dak iż-żmien meta l-missjunarji ġew iħabbtu l-bieb tagħna. Dan poġġieni fit-triq li kelli bżonn inkun fiha.”

“Jiena dlonk ħassejtni aċċettat, mogħti l-attenzjoni, u maħbub [meta ġejt il-knisja]. Kulħadd beda jintroduċi lilu nnifsu u jgħinni biex inħossni daqstant milqugħ. Ħassejtni bħallikieku kont dieħel ġo dar tal-familja.”

“Li tara dawn l-għemejjel ta’ tjubija minn daqstant nies, għalija dik hi knisja. Hekk ifisser li temmen fi Kristu u taqdi lil ħaddieħor.”